Search

infedream

INFE Macedonia official website

Го сакам Тоше, во “Планет” ќе испеам негова песна да ме слушне цело Крушево!

 Славица Петковска е интересно девојче од Кратово, кое се интересира за песна, музика, уметност, и сѐ што е убаво. Сѐ што се случува следи преку социјалните мрежи, но најактивно следи сѐ што е поврзано со својот голем миленик Тоше Проески, и будно го чува споменот на него. Ни раскажува за себе :

-Јас сум Славица, сите ме викаат  Славица Цаци. Од  мојата 9 година го сакам Тоше, постојано ги следев неговите настапи и концерти, и сѐ што беше поврзано со него ме интересираше. Кога ќе се најавеше концерт на ТВ, си велев “ах, да го даваат на тв за да можам да го гледам”, затоа што не можев да одам на концерт, бев посебно дете, дете со посебни потреби. Тоа ме спречуваше да бидам дал од негов концерт, гледав од дома и пеев како да сум во публиката, со надеж дека еден ден ќе одам и јас на барем еден концерт. Но таа желба не ми се исполни, Тоше замина кај ангелите мене ми остана само болка во срцето,  тага во очите. Си велев “Боже само да имав еден спомен од него”, спомени ми остана само неговите песни и концерти ден денес ги слушам и гледам, и не заспивам без да сушнам негова песна, ни раскажува и се потсетува со голема љубов на својот музички херој. 

Од 2008 година таа е дел од социјалните мрежи, каде почнала да ги бара пријателите на Тоше, особено од неговото родно Крушево. 

-Ме интерсираше сѐ што е поврзано со него, сѐ што тој сакал,  кои му биле омилени места во Крушево… Тоа првенствено било домот на своите родители, тој бил посебно среќен кога ќе си дојдел дома кај мама тато и дада, и како што кажуваа тие за нив било празник кога Тоше ќе си дојдел дома. Исто Тоше ги сакал и своите другари од детството, кога и да одел во Крушево сакал да се види со нив, тие имале посебно катче за дружба тоа било омилено место Тоше кафулето “Планет” во Крушево. Таму има фотографии од Тоше таму е фотелата каде тој седел, сето тоа ми значи многу, и затоа јас имам желба повторно да одам во Крушево да го посетам тоа убаво кафуле, некогашното место на Тоше… Планет е омиленото Кафуле  на Тоше и затоа јас го сакам  јас само затоа се што на Тоше му беше значајно  и мене ми е  значајно  тоа му било негово катче на дружба  со своите другари пееле заедно дури кога  бил многу среќен со раката направил дупка на плафонот и ден денес дупката стои таму, ништо не сменето таму. 

Во Планет има фотографии од Тоше,  јас се водушевувам кога ги гледам. Сакам еден ден да одам таму да седам цел ден и да пуштам музика од Тоше и да испејам јас една песна гласно, да запејам да слушне цело Крушево да напавам журка со песни од Тоше. Тогаш јас ќе бидам среќна чувајќи го споменот на него, Љубовта, пеејќи ја неговата музика. Тоше од некаде горе ќе биде горд на мене. Го сакам Тоше и Планет, вели младата девојка. 

Славица сака пак да го посети и Музејот, но и манастирот Свето Преображение. 

-Ми значи и тоа што Тоше бил вклучен во изградба на манастир, кој се вика Свето  Преображение, Тоше помагал во изградба самиот тој носел материјал за  работа. 

Таму Тоше имал своја соба во која престојувал, ни раскажа Славица и специјално за нашите читатели  ги издвои своите омилени песни од Тоше “Цреша” и “Најдрага моја” .https://m.youtube.com/watch?v=_7BeAAOl2k4

Андреа настапува 11-та во втората полуфинална вечер на 12 мај

 

 (29.03.2022)

Денеска е објавен редоследот на настапите во двете полуфинални вечери на Евровизија, на 10 и 12 мај, во кои вкупно 35 земји ќе се натпреваруваат на сцената на Торино, за пласман во финалето. 

Андреа со песната Circles ќе пее 11-та во второто полуфинале на 12 мај. Во истата вечер се и Србија и Црна Гора. 

66. Евросонг ќе се одржи на 10,12 и 14 мај во Торино, Италија. Големата петорка (Германија, Франција,  Шпанија, Англија и земјата домаќин, Италија) нема да настапат во полуфиналните вечери, директно одат во финале.  

Во петок, 13 мај, претпладне, по второто полуфинале ќе се утврди редоследот на настапувачи за финалето. Италија по случаен избор е извлечена за настап од 9-та, на финалето,  на 14 мај.

Андреа го формира тимот

Веќе е познато кој ќе се грижи за изведбата на Андреа Коевска на Евровизија 2022 година.  И грчкиот евровизискиот глуб Огае Грција објави информација, во која како извор го наведува сајтот popup.mk. 
https://ogaegreece.com/voreia-makedonia-i-dimioyrgiki-omada-tis-andrea/

Придружни вокали ќе и бидат Рената Кралевска и Ана Петановска. За нејзината кореографија, односно движења ќе се погрижи балерината Билјана Пашариковска, а за стајлингот Цаци Паковска. 

Таа настапува во втората полуфинална вечер на 12 мај во Торино, Италија, а финалето на годинашната Евровизија е на 14 мај. Песната Circles е дело на композиторот Александар Масевски а текстот го пишуваа заедно со Андреа. Спотот е сниман во Скопје. https://youtu.be/EzOpAduUlmo

Констракта ќе ја претставува Србија на Евровизија 2022! 

Во спектакуларно музичко шоу во Белград и во конкуренција од 18 песни (поточно 36 песни изведени во две полуфинални вечери, и 18 во финалната), Констракта доби музичка виза да отпатува на Евровизија.

Песната “In corpore Sano” годинава ќе ја претставува Србија на Избор на Песна за Евровизија, во мај (10-14 мај) во италијанскиот град Торино.

Некои од коментарите беа дека конечно праќаат пејачка без силикони и без провокативен задник.

Србија на Евровизија триумфираше во 2007 со победата на Марија Шерифовиќ и песната “Молитва”.

Андреа со песната Circles ќе ја претставува Македонија на Евровизија 2022


На 4 февруари 2022 директно на програма на МРТВ 1 беше избрана песната која ќе оди на Евровизија 2022 година во мај во Торино, Италија. Во емисијата „Стисни плеј“ за победничка е прогласена песната „Circles“, на авторот Александар Масевски, што ја испеа Андреа. 

Беа претставени уште пет други песни, кои пред тоа беа избрани од пристигнатите песни на распишаниот конкурс, а ги испеаја Рис Флауер, Кали, Виктор Апостоловски, Јон, и Лара.

 Според телевоутингот најмногу гласови освои песната што ја испеа Виктор, дури  три пати повеќе од  победничката Андреа, но таа ја доби наклонетоста на странското жирито, во кое имаше членови од евровизиските делегации од  Израел, Малта,  Грузија, Исланд и Ерменија. 

Гласовите од јавноста сочинуваа 50 проценти, додека останатите 50 проценти беа доделени од страна на странско жири.

Од страна на јавноста, вкупно гласале 30.756 гласачи на онлајн платформата- Виктор освои 12.621 глас, зад него се најдоа Кали, Андреа, Јон, Рис Флауер и Лара со најмал број на гласови, односно 1.186.

На крај Виктор и Андреа имаа изедначен број на гласови, но според правилникот, пресуден беше бројот на највисоки оценки од жирито што потоа предизвика и реакции во јавност. 

Песната е на англиски јазик.

Евровизија годинава ќе се одржи од 10 до 14 мај во Торино Италија, благодарение на минатогодишната победа на младата група од Рим “Манескин” , кои станаа светски ѕвезди и рок атракција, најмногу благодарение на харизматичниот вокалист и фронтмен Давиде Дамијано.

Junior Eurovision 2022 ќе се одржи во Ерменија

Европската радиодифузна унија (ЕБУ) и ерменскиот радиодифузер AMPTV објавуваат дека 20. детски избор за песна на Евровизија ќе се одржи во Ерменија следната година.
Ова следи по сензационалната победа на Малена во Париз со песната “Ками Ками”. Малена победи на Детската Евровизија 2021 за Ерменија, на натпреварот скедонските претставници на крај беа на 9. место. Тоа е втора победа на Ерменија на овој натпревар и во 2022 година ќе биде домаќин на Јуниорска Евровизија по втор пат, откако AMPTV го организираше натпреварот во Ереван во 2011 година, по нивниот триумф во претходната година.

Мартин Остердал, извршен супервизор на детската Евровизија, рече: „Кулниот, елегантен, современ победник на Ерменија постави нови стандарди на натпреварот. Нивниот ентузијазам за настанот е голем и возбудени сме што AMPTV сака да биде домаќин на 20-тото издание на JESC следната година. Со нетрпение очекуваме да работиме со нив на планирање на посебно јубилејно издание на шоуто”.
Генералниот директор на ЕБУ Ноел Куран додаде: „Бевме одушевени што Ерменија победи на нивната вториот Јуниор Евросонг во Париз, и честитавме на Малена и на делегацијата на AMPTV за нивната прекрасна победа. Го поздравуваме ентузијазмот на нашиот член, Ерменија, да биде домаќин на 20. натпревар за песна на Детска Евровизија и очекуваме одлична соработка помеѓу EBU и AMPTV во текот на следните месеци”.
Ховханс Мовсисјан, извршен директор на Ерменската јавна телевизија рече: „Од првиот ден кога ја слушнавме” Ками, Ками”, “Qami Qami”, верувавме во победата на Малена и со нетрпение очекуваме да бидеме домаќини на овој голем настан. Ерменците се многу возбудени поради нашето враќање во евровизиското семејство и уште повозбудени што ќе бидат домаќини на овој спектакуларен настан следната година. Добредојдовте во Ерменија!”, рече тој.
Датумот и местото на одржување на Детската Евровизија 2022 година ќе бидат потврдени во наредните месеци.
https://youtu.be/1RG_qhN4e3M

НЕДЕЛА, ДЕТСКА ЕВРОВИЗИЈА: Во тек е гласањето на официјалниот сајт!

“GREEN FORCES” е песната со која Филип, Миха, Анастасија и Кики во недела на 19.22.2021, ќе нѐ претставуваат на Детска Евровизија во Париз. Нивната песна е со порака за заштита на животната средина и против последиците од глобалното затоплување.

Фестивалот ќе се одржи во концертна сала „La Seine Musicale“ во Париз, за што е заслужна Валентина, која минатата година  ѝ ја донесе победата на Франција. Директен пренос ќе има на Македонската радио-телевизија, а  ЕБУ и Францускиот национален сервис како домаќин и ветуваат атрактивно шоу. 

Децата веќе ги одржуваат главните проби во градот на светлината. Ќе настапат под реден број 18. Може да се гласа и преку официјалниот сајт на детска Евровизија. 

Гласањето почна на 17 декември во 20 часот, а завршува на 19 декември во 15:59 часот, на веб страната http://www.junioreurovision.tv 

Треба да изберете 3 земји, исто така можете да гласате и за сопствената држава. 

Последното гласање ќе биде повторно отворено на 19 декември, кога и се одржува фестивалот, 15 минути по завршувањето на финалето, на истата веб страница.

Резултатите се добиваат како комбинација од онлајн гласовите на интернационалната публика (50% од вкупните бодови) и поените од националните жирија (50% од вкупните бодови)!

Детски избор за песна на Евровизија или скратено Детска Евровизија — музичко натпреварување наменето за деца. Се одржува од 2003 година, а натпреварувачите мора да бидат на возраст од 9 до 14 години. Основана е со цел да им се даде можност на младите пејачи пред нивните евентуални настапи на Евровизија. Натпреварувањето е организирано од страна на ЕБУ.

Македонија учествува на Детска Евровизија од самиот почеток во 2003 година, кога настапија Викторија Лоба и Марија Арсовска со песната “Ти не ме познаваш”.

Децата од „Дајте музика“ на Детска Евровизија 2021

Децата од серијалот „Дајте музика“ ќе не’ претставуваат на Детска евровизија во декември во, информираа од МРТ, а песната со која ќе се претстави нашата држава ќе биде избрана и промовирана во претстојните месеци.

-На неа ќе работат композитори кои веќе соработуваат во проектот и добро ги познаваат вокалните и артистичните капацитети на децата од шоуто – информираа од МРТ.

-Драги наши обожаватели, чест ни е да ви соопштиме дека оваа година во декември во Париз, ќе ја претставуваме Македонија на Junior Eurovision
Држете ни палци
Благодарност до МРТВ за дадената шанса.
Повеќе информации наскоро, напишале на официјалниот Инстаграм профил на “Дајте музика”.

Среќно!

“Тумба Фест 2021” со весели шеговити песни на разни дијалекти

 

Фестивалот на новосоздадената македонска народна песна “Тумба Фест 2021″ќе се одржи на 24 август на Кумановскиот плоштад, од 20 часот. 

Ќе бидат изведени нови песни со шегобиен карактер. 

-Оваа година покрај кумановскиот дијалект ќе се пее и на битолски, прилепски и валандовски дијалект, Тумба Фест прераснува во Фестивал на кој се негуваат различни дијалекти, веруваме дека тоа е додадена вредност и богатство, изјавува директорот Драган Јаким. Годинава на фестивалот ќе настапат: Анета Молика, Благица Павловска, Нино Величковски, Зуица Лазова, Ванчо Тарабунов, Далибор Ѓошиќ, Ирена Спасовска, Лилјана Прнаркова, Скопски Боеми, Мирослав Крстевски, Горан Стоилков и Лидија Спасовска со Огнени Момчиња, Челик Бенд, Ристо Краповски, Тони и Акорди Бенд, Елена Јовческа, Влатко Алексовски, Сања Ристеска, Аце Трифуновски, Сашо Николовски, Методија Столески, Горан Симевски.

Фестивалот ќе се одржи на градскиот плоштад во Куманово. Ќе биде организиран по сите протоколи за превенција од Цовид-19.Задолжителна е потврда за извршена вакцинација.МТВ ќе пренесува, водителка ќе биде Сузана Апостолова. 

Create a free website or blog at WordPress.com.

Up ↑