Search

Во Битола, зајакнува независната музичка сцена

Веб страна и промоција на музичките артисти, работилници и нови културни политики за независната музичка сцена во Битола

Зајакнување на независната музичка сцена е мини проект на фестивалот „Локум фест-музика и традиција“ поддржан од партнерската мрежа на балкански фестивали MOST како дел од поголем проект поддржан од Creative Europa, а во соработка со КИЦ Битола. Тоа е еден од петте регионални мини проекти кои има за главна цел зајакнување на капацитетите на независните музички артисти, нивно мапирање, поддршка и промоција и креирање на подобри локални културни политки за оваа целна група. Во рамките на овој мини проект ќе биде подогната и веб страница за независната музичка сцена на Битола, ќе се оддржат работилници за музички менаџмент и градење културни политики во овој сегмент. 

Прв од овој сет на активности е работилницата за музички „букинг“ со музичарот Сашо Поповски. Наскоро ќе следат и работилници за промоција, продукција и настапи во живо.

„Како до успешен букинг“ со Сашо Поповски

 Сашо Поповски е музичар кој сеуште го живее сонот од младоста – на сцена со гитара во раката! Од почетоците со рок групата Фаџ, преку љубовта кон блуз музиката и клубските свирки, до Магистер и Редовен професор на Универзитето Гоце Делчев – Штип (џез оддел) , денес е еден од нај реномираните – активни џез гитаристи кој настапил на бројни Европски фестивали. Снимил шест албуми , го основал и успешно  го води единствениот џез фестивал во Битола Jazz Factory Festival веќе 6 години. 

05/05/23  Кино Манаки –  КИЦ Битола 18.00 ч. Влез слободен

Концерт со маестро Шаровски и хорнистот Боштјан Липовшек

 



В петок, на 5 мај, со почеток во 20 часот, оркестарот на Македонска филхармонија ќе го изведе концертот насловен „Вилает“ на кој како солист ќе настапи хорнистот Боштјан Липовшек од Словенија, а диригент е маестро Јерухам Шаровски од Израел. На програмата се „Унгарски танц“ бр. 1 и Четвртата симфонија од Јоханес Брамс и Концертот за хорна и оркестар од Реинхолд Глиер. 
Германскиот композитор и виртуоз на пијано Јоханес Брамс (1833 – 1897), кому Роберт Шуман ќе му помогне да се афирмира како автор, се смета за еден од претставниците на романтизмот, иако структурата на неговите дела во најголем дел е – класична.  

Унгарски танци се сет од 21 композиција,
кои главно се базираат на унгарски теми. Брамс ги завршил во 1879 година. Тиесе најпопуларните дела на овој композитор, а оригинално се напишани за четирирачно пијано, а подоцна првите десет биле аранжирани и за соло изведба. Дел од танците се аранжирани иза други инструменти и оркестарски формации. Последно симфониско дело наЈоханес Брамс е Четвртата симфонија(1885), во која настојува да ги негува достигнувањата на своите претходници. Се карактеризира со широк епски и меланхоличен карактер. Првиот став започнува со унисоно на целиот оркестар во една прекрасна везена мелодија, која потсетува на убавите песни на Брамс. Вториот став e балада и е опишан како некакво ехо од ритерските времиња, бидејќи се слуша рог со една традиционална мелодија, која потоа наизменично ја преземаат другите инструменти. Третиот став, единственото вистинско скерцо што се среќава во симфониите на Брамс, оделува и како некаква унгарска игра, афиналниот четврти став гокарактеризира барокната форма што иБах ја негувал често– чаконата. 

 Реинхолд Глиер го завршил Концертот захорна и оркестар во Бе-дур, опус 91, во 1951 година. Премиерно бил изведен на 10 мај1951 година од рускиот хорнист Валери Полех во Ленинград (Санкт Петербург) со Ленинградскиот радиосимфониски оркестар. Уникатниот тон и тонскиот распон на инструментот се покажал како потентно поле за инвенција и креативност. Концертот е напишан во неокласичен стил со силни влијанија одvромантизмот, а во него Глиер успешно ги презентирал изведувачките перформанси на хорната, инструмент кој до тогашнајчесто имал функција само како дел од оркестарскиот звук. Со овој концерт, Глиер докажал дека хорната може одлично да функционира и како соло инструмент. 

Боштјан Липовшек е прва хорна во Симфонискиот оркестар на РТВСловенија. Први учители му биле неговите татко и брат. Студирал кај проф. Јоже Фалоут на Музичката академија во Љубљана, каде што дипломирал и магистрирал. Студирал икај Радован Влатковиќ на академијата „Моцартеум“ во Салцбург. Како солист настапувал со оркестарот на Радио Љубљана, со Словенечката филхармонија и со водечките оркестри во бивша Југославија. Како гостин прв хорнист, настапувал во Берлинскиот симфониски оркестар, со оркестарот на Операта во Брисел, со Симфонискиот оркестар наМелбурн, со камерниот оркестар „Малер“, со Израелската филхармонија, Шкотскиот камерен оркестар, Австралискиот камерен оркестар и др. 
Често пати настапува и на турнеите со Фестивал оркестарот на Будимпешта, кој го води Иван Фишер. Како солист настапувал под диригентската палка на Антон Нанут, Урош Лајовиц, Ен Шао, Јаков Крајцберг, Сиан Едвардс… 
Добитник е на награда наинтернационалниот натпревар во Порчија, Италија, и е награден со највисоката награда „Франце Прешерн“ што ја доделува Министерството за култура на Словенија (2008). Предава на Музичката академија во Љубљана од 1998 година, и на Академијата во Загреб, од 1995 година. 
Роден во Буенос Аирес, Аргентина, маестро Јерухам Шаровски рано започнува да изучува музика, а потоа студира флејта, контрабас, композиција и диригирање на Националниот конзерваториум за музика во неговиот град.

Во раните ’70-ти имигрира во Израел каде што дипломира на Академијата за музика „Рубин“ во Ерусалим, под палката на проф. МендиРодан. Во 1990 година, Шаровски ќе биде избран од славниот маестро Зубин Мехта, да ја прими наградата „Млад артист на годината“, кога ќе ја добие и привилегијата да диригира со Израелската филхармонија, како и со другите поголеми оркестри во Израел. 
По турнејата во поранешна СССР, која за него ќе биде значајна во кариерата, во 1991 година станува уметнички директор и шеф- диригент на Симфонискиот оркестар “Раанана“ во Израел. Под палката на Шаровски, овој оркестар ќе стане еден од најпопуларните симфониски ансамбли, изведувајќи стотици дела и надвор одземјата. Од 1998 до 2004 година, маестро Шаровски ќе раководи и со Бразилскиот симфониски оркестар на Рио де Женеиро, со кој ќе патува на турнеи во Бразил и во Европа и ќе сними четири цедеа. Тогаш Шаровски ќе го формира Младиот симфониски оркестар на Бразил, кој ќе стане еден од најпознатите ансамбли во земјата.

Со БСО ќе замине на турнеја иво САД, кога во Централ парк во Њујорк, како и во Линколн центарот, ќе одржи концерти пред 50-илјадна публика, концерти кои ќе бидат високо оценети од публиката и критиката. 
За време на својата кариера, маестро Шаровски диригирал со над 50 оркестри во повеќе од 20 различни земји. Во серијата концерти со маестро Лорин Мазел, диригира со Минхенската филхармонија во Германија и со Симфонискиот оркестар на Ерусалим заедно со Баварскиот радио-оркестар, на концерти посветени на градот Ерусалим.

Маестро Мазел ќе го предложи маестро Шаровски да биде и дел од жирито на „Мазел интернационалниот натпревар за диригенти“ (2002).

Широк е неговиот репертоар и во однос на оперските изведби, а во последните години тој гради навистина успешна кариера на полето на едукацијата, одржувајќи мастер часови на значајни универзитети во светот. 

Богата програма неделава во КИЦ Битола

 

Битола, Втори Мај, 2023 

На 05 Мај 2023 во Кино Манаки – КИЦ Битола 18 часот. Влез слободен.

Зајакнување на независната музичка сцена е мини проект на фестивалот „Локум фест-музика и традиција“ поддржан од партнерската мрежа на балкански фестивали MOST како дел од поголем проект поддржан од Creative Europa. Тоа е еден од петте региоални мини проекти кои има за главна цел зајакнување на капацитетите на независните музички артисти, нивно мапирање, поддршка и промоција и креирање на подобри локални културни политки за оваа целна група. Во рамките на овој мини проект ќе биде подогната и веб страница за независната музичка сцена на Битола, ќе се оддржат работилници за музички менаџмент и градење културни политики во овој сегмент.

Прв од овој сет на активности е работилницата за музички „букинг“ со музичарот Сашо Поповски. Наскоро ќе следат и работилници за промоција, продукција и настапи во живо.

„Како до успешен букинг“ со Сашо Поповски

Сашо Поповски е музичар кој се уште го живее сонот од младоста – на сцена со гитара во раката! Од почетоците со рок групата Fax, преку љубовта кон блуз музиката и клубските свирки, до Магистер и Редовен професор на Универзитето Гоце Делчев – Штип (џез оддел) , денес е еден од нај реномираните – активни џез гитаристи кој настапил на бројни Европски фестивали. Снимил шест албуми .Го основал и успешно го води единствениот џез фестивал во Битола Jazz Factory Festival веќе 6 години.

***

Тони Соколов, познат под уметничкото име Солза е роден во Битола. Неговите уметнички способности и хоризонти го одвеле во Австралија . Како сестран уметник во различни дејности се занимава со цртање, сликање, вајарство, монументално вајарство во бронза, мозаици, па се до архитектура.

Збирката од дваесеттина пејсажи се создадени како одраз на визуелната реалност и неговите лични идеи. Уметничкиот набој за создавање на цртежи, ги акумулира и црпи од поезијата на поетот Анте Поповски,одгатнувајќи дека, поезијата е дарба на душата, а не на учењето.

“Во тој невозможен простор открив засадена реалност,помеѓу езерото и небото, апстракција и рефлексите, наспроти исконската светлина, распространета врз големите водени простори. 

Позицијата пејсажи се израз на моето талкање низ светот, талкање по непознатото, за да ја 

надградам и извадам на виделина на дофат на гледачите, симпатизерите, љубителите на моите уметнички дела..“

Четврто издание на фестивалот „Крај Вардарот Џез“

Четвртото издание на фестивалот „Крај Вардарот Џез“ во организација на дискографската куќа „ПМГ Џез“ ќе биде отворено на 18 мај. Трите фестивалски вечери ќе се случуваат на малата сцена во Македонската филхармонија и во Младинскиот културен центар. Организаторите предвидуваат најквалитетна и најразновидна програма досега и неколку промоции на нови музички изданија. Фестивалот е дел од програмата за размена на фестивали („FEX-Festival Exchange“) на европскиот проект „МОСТ“ за развој на сцената на светска музика на Балканот, и соработува со еден од најрелевантните промотери на музика во земјава – „Аудиокултура“.

Во четврток на 18 мај, во 20 часот на малата сцена во Филхармонија, фестивалот ќе биде отворен со настап на Дамир Имери Трио (Р.С. Македонија), тивка легенда на современата македонска музика. Тромбонист и мултиинструменталист, човек кој првите десетина години од својот работен век ги минува во МРТ, каде соработува со уметници од форматот на Драган Ѓаконовски – Шпато, Александар Џамбазов, Илија Пејовски… Настапувал на сите музички сцени низ земјава и соработувал со истакнати светски познати музичари: Душко Гојковиќ, Реј Чарлс и Џани Басо. Во триото, покрај него, членуваат и Ади Имери и Александар Ванчовски. Мајсторски третираат современ џез според сопствените афинитети и се добро познати во пософистицираните музички кругови.

Истата вечер, на фестивалот ќе настапат и Перфорто (Perforto) од Полска, со Ола Ржепка на пијано и Лукаш Марчинијак на електрична гитара. Гостувањето на Перфорто на „Крај Вардарот Џез Фестивал“ е поддржано во рамките на европскиот проект „МОСТ“ во програмата за размена на фестивали и се реализира во соработката со Катовице ЏезАрт Фестивал од Полска.

Перфорто е жичано дуо за електрична гитара и пијано, а користат и дополнителни инструменти од дрво, метал, хартија и други материјали. Во импровизацијата ги истражуваат физичките карактеристики на звукот, како што се висината, темброт, интензитетот и неговите последици во временска линија. Интензивно, деликатно, продорно и радикално музичко доживување.

Во петок на 19 мај, во 19 часот, во лобито на кино Фросина – МКЦ во рамки на „Крај Вардарот Сесии со Аудиокултура“ ќе биде промовирано најновото винил издание на ПМГЏез, компилацијата „Крај Вардарот Џез Vol.2“.

Од 21 часот во киното Фросина ќе се реализираат два концерти, на Букршлиев/Томевски и Кондовски/Дробицки (Р.С. Македонија). Соработувајќи долги години како композитори и изведувачи во повеќе македонски џез ансамбли, Филип Букршлиев и Благојче Томевски успеаја да развијат телепатска вештина за музичка комуникација, благословена од необичната звучна палета, формирана од инструментите што ги користат: бас кларинет и гитара. Во оваа прилика ќе го промовираат материјалот од албумот „Something Lonely in the Bone“ (ПМГЏез, 2023 година). Настапот на „Кондовски/Дробицки“ е логична прогресија на нивните чести соработки, што резултираше со неколку изданија на ПМГЏез. Владан Дробицки (тромбонист) е еден од водечките џез музичари во земјата, додека Глигор Кондовски (виолина, електроника) исцртува езотерична фигура, лизгајќи се помеѓу класика, експеримент, џез, фотографија и филм.

Во сабота, во денсинг салата на МКЦ, во 21 часот ќе настапат „Ларта“ (Р.С. Македонија), проектен состав на тапанарот Дино Милосављевиќ, кој, минатата година за „ПМГ Џез“ издаде прв самостоен албум „Fragments“, во соработка со долгогодишните пријатели Ѓоко Максимовски – бас, Васко Бојаџиски – саксофон и Владан Дробицки – тромбон. Милосављевиќ е еден од најистакнатите тапанари во регионов. Соработува со врвни и познати музичари и уметници, како „Сетстат“, „Кабадајас“, „Алшар“ – проект на Никола Коџабашија, „Беневентан трио“ и „Инфјус“. Милосављевиќ е еден од основачите на „Skopje Drum Talks“, првото здружение за едукација и поддршка на тапанари во земјава.

Фестивалското издание ќе се заокружи со ѕвездите на фестивалот „Чуи“ (Chui) од Хрватска, загрепски квартет, чија визија е спој на џез со современа клупска танцова музика, електроника и рокенрол. Уште со првиот албум од 2012 година, обезбедија култен статус на хрватската музичка сцена. Во 2017 снимија албум со џез оркестарот на Хрватската Радио Телевизија и композиција со легендарната дива Јосипа Лисац.

Досега имаат издадено 6 студиски албуми.  Седум пати се закитија со најпрестижната хрватска музичка награда „Порин“ во различни категории, и четири пати со наградата на независните музичките новинари Рок&Оф. Работат и музика за театар и за филм. Чуи ќе настапи во состав Тони Старешиниќ (клавијатури и електроника), Војкан Јациќ (саксофон и електроника), Иван Левачиќ (тапани) и Конрад Ловренчиќ (бас). Досега имаат настапувано на сите големи џез и рок фестивали низ Хрватска и Европа. Хрватската музичка критика ги доживува како моментално главна концертна атракција во нивната земја.

За затворањето на фестивалот, по 23 часот предвидена забава со ПМГЏез диџеј сет на Мирко Попов, во лобито на киното Фросина.

Фестивалот е поддржан од Министерство за култура на Република Северна Македонија. Фестивалот се реализира во соработка со МКЦ и Филхармонија, а негови партнери се Аудиокултура и Божиновски часовници и накит.

Македонски музичари на Тирана џез фестивал

Во петокот вечер, на покана од македонскиот Културно информативен центар во Тирана, групата „In the mood“ од Скопје, имаше извонреден настап на  Тирана џез фестивал. Првиот дел на тиранскиот фестивал, секоја година се одржува на крајот на април и редовно е богат со голем број на различни имиња од европскиот џез. Овој пат, неколку дена имаше тематски вечери насловени ,,Средбата на Италија со Балканот“ каде настапуваа по две групи од Италија и една од Албанија и Балканот. Секој бенд имаше по еден час можност да ја претстави својата работа. Во прекрасна, барска атмосфера, публиката беше воодушевена од настапот на „In the mood“. По настапот, неколкумина италијански менаџери, изразија задоволство и упатија покана, да настапат нa некој од реномираните џез фестивали во нивната земја.

На 10 мај, Културно информативниот центар во Тирана ќе го претстави пред тиранската публика, Народниот театар од Битола. 

 Портрет на Ацо Шопов во „ Ел Нуево Хералд“, Мајами, САД

По повод 100 години од раѓањето на Ацо Шопов, дневниот весник „Ел Нуево Хералд“од Мајами, САД, во денешниот број објави опширен напис посветен на нашиот поет за кого се вели дека „македонскиот јазик практично му го должи својот влез во светот на литературата“. „Станува збор“, потенцира француско-кубанскиот писател Вилијам Наварет, „за исклучителен пример на јазик кој се афирмира преку литературата, a особено преку поезијата, жанр што Шопов го негувал сиот свој живот“.

Нудејќи една сеопфатна слика за македонскиот поет, од родниот дом во Штип до неговиот виртуелен „Лирски дом“ (acosopov.com), преку неговото партизанување, неговата дејност како издавач и неговата дипломатска мисија во Сенегал, статијата им посветува посебно внимание на двете збирки на Шопов објавени на шпански јазик: Lector de cenizas (Гледач во пепелта), објавена во Мексико, во 1987 год., во препев на Аурора Марија Сааведра, и Sol negro (Црно сонце), објавена во Буенос Аирес, во 2011 год., во препев на Луиса Футорански. Но текстот се осврнува и на збирки објавени на македонски, како  „Стихови за маката и радоста“, „Слеј се со тишината“ и „Небиднина“.  

„Под плаштот на едноставноста“, пишува Наварет, „неговите зборови клокотат, проречуваат, ечат, интригираат. Љубов, гнев, вчудовиденост пред мистеријата на животот, болка, болештија? Поетот никогаш до крај не го трга мистериозниот превез над неговите најинтимни мисли, а неговата филозофска перцепција за смртта и за животот, односно за сè она необјасниво но и бестелесно што нè надминува нас како луѓе,  ја пушта само по суптилни врвици да излезе на виделина.“ За песната „Небиднина“, Наварет смета дека таа го „сумира вознемирувачкиот и понекогаш непробоен поетски универзум на Шопов“.

Статијата на Вилијам Наварет, се осврнува и на чествувањето на Ацо Шопов во УНЕСКО, на 21 март годинава, што се одржа во рамки на „Годината во чест на Ацо Шопов“, под покровителство на претседателот Стево Пендаровски, во соработка со Министерството за култура. Весникот најавува и некои од следните моменти на „Годината во чест на Ацо Шопов“, како фестивалот на анимиран филм Флипбук во Скопје и Струшките вечери на поезијата. Објавена е во печатената како и на интернетската страница на Ел Нуево Хералд (https://bit.ly/3HquC9z), во која статијата може да с слушне и во аудио верзија.

Основан како додаток на „Мајами Хералд“, во 1977 година, а независен од 1998 година, „Ел Нуево Хералд“е еден од двата највисоко тиражни весници на шпански јазик во САД и покрива вести од цела Латинска Америка.

Блесокот на Марија Чепишева!

Во Галеријата на МКЦ, во присуство на бројни посетители, вечерва, 28 април 2023 година беше свечено отворена изложба на академската сликарка Марија Чепишева, која преку неколку десетици графики го прикажа својот креативен авторски сјај.

Станува збор за исклучителна креативна уметница, поранешна позната новинарка на “Екран”, која се истакнува со целосно позитивни и создавачки карактеристики на повеќе полиња.

Да потсетиме на нејзината биографија: Марија Чепишева, родена Лазаревска, е родена на 17.06.1975 година во Скопје. Завршила средно уметничко во ДСУЛУД Лазар Личеновки, Скопје во 1993 година, на отсекот графика и графички техники, под менторство на професор Ѓорѓи Чулаковски- Џото и професор Илинка Глигорова.

– 1999 година, завршена Ликовна Акдемија во Скопје, во класата на професор Димитар Малиданов (графика) и (графички дизајн) професор Костадин Танчев – Динка.

-март 2022 година Запишани постдилломски студии на Факултет за ликовни уметности – Скопје, под менторство на академик проф д-р Фехим Хусковиќ.

*Член на ДЛУМ од 1999 година

*Добитничка на големата графичка награда на ДЛУМ во 1999 година

*Отлупна награда на Библиотеката Климент Охридски во 1999 година

Учество на голем број изложби во земјата и странство.

Последни учества на изложби:

-2022- III Convocatoria Internacional de Arte Postal -DE CORAZÓN / III International Mail Art Call – FROM THE HEART

-2022- Самостојна изложба на Факултет за ликовни уметности, Скопје

-2023- Поместени граници- организирано од ДЛУМ во Дом на АРМ

-2023- The International Mail Art Call- DEJANDO HUELLA – LEAVING A MARK

“Фамилијата“ е во кината

Април, 2023 година 

Швајцарската драма „Фамилијата“ која се фокусира на проблемите на тинејџерите во дом за згрижување деца во Женева од денес се прикажува во домашните киносали. Филмот, во режија на Фред Баилиф, денеска се прикажува во Домот на култура во Свети Николе и Центарот за култура „Ацо Ѓорчев“ во Неготино, од каде продолжува низ другите градови и тоа во Центарот за култура- Битола (сабота), Центарот за култура „АСНОМ“- Гостивар (2 мај), кино „Милениум“ и Центарот за култура „Иван Мазов Климе“ – Кавадарци (4 мај), Дом на културата во Македонски брод (18 мај), Кинотека на Македонија (25 мај). 

Поранешниот швајцарски социјален работник и самоук режисер Фред Баилиф го развивал филмот во период од две години со тинејџерките и социјалните работници од домот. Седум девојки живеат под ист покрив, но не се избрале една со друга, исто како семејство. Доаѓајќи од тешки средини, овде во сигурната куќа, девојките наоѓаат нова заедница, на начин што никогаш порано не го доживеале. Тие споделуваат радост и болка, заедно се бунтуваат против недостатоците на 

нивното опкружување – темпераментите на младите жени се различни, нивната желба за живот е голема, нивното место во општеството е премногу несигурно за работите да бидат мирни и хармонични. Директорката на домот Лора е секогаш тука за нив кога им треба. Или е обратно? 

Филмот бил создаден во тесна соработка со младите актерки, кои биле вклучени во развојот на нивните ликови. „Фамилијата“ ја открива несовршеноста на системот за заштита на младите, како и кревкоста на општествените структури и прашањето што всушност би можело да значи да се биде дел од семејство.

Дистрибутер е „Катавеј“ од Скопје, адистрибуцијата е помогната од швајцарската федерална влада и „Свис филмс“.

Jazz day во КИЦ Битола

Се приклучуваме кон големото семејство на џез културата. Ви го најавуваме настапот на Оливер Самоуилан џез квартет во Недела на 30.04.23 Офицерски дом – Плато 13.00 часот, велат од МКЦ Битола.

Соработката помеѓу францускиот џез музичар Оливиер Самоуилан со македонските џез музичари Поповски Сашо, Иван Бејков и Ратко Даутовски е континуитет на предходната соработка на Jazz Factory Festival. Џез музиката е универзален јaзик кој не познава граници, стилови, нации… Џез музиката е музичка синергија, која е во постојано движење, инспирација во од… Музика која зависи исклучително од духот и вештината на музичарите. По втор пат International Jazz Day во Културен и иформативен центар Битола на 30.04 со почеток во 13.00 ч. на платото на Офицерски дом – КИЦ Битола.

Blog at WordPress.com.

Up ↑